მარწყვის სმუსი

ძალიან გემრიელი მარწყვის სმუსი, არაჩვეულებრივი დღის დასაწყისი...

ინგრედიენტები:
- 1/2 ჭიქა ქოქოსის რძე ან წყალი
- 1/2 ჭიქა გაყინული მარწყვი
- 3 ცალი ფინიკი
- 6 ცალი ქეშიუ
- ვანილი

მომზადება:
დააბლენდერეთ ჯერ წყალი და ქეშიუ (ქეშიუ აძლევს სიბლანტეს), დაუმატეთ ფინიკი (სიტკბოსთვის) და ვანილი, ბოლოს დაამატეთ მარწყვი.

.

უმი გერკულესის ფაფა

ერთხელ გავაკეთე და მას შემდეგ თითქმის ყოველდღე, ერთი პორცია მაინც, მიდევს მაცივარში...

ინგრედიენტები:
- 1 ჭიქა ქოქოსის რძე
- 2 ს/კ გერკულესი
- 1 ს/კ დაფქული სელი
- 1 ს/კ ჩიას თესლი
- 1 ს/კ თაფლი
- ვანილი
- მარწყვი (სასურველია)
- ნუშის ფქვილი (სასურველია)

მომზადება:
ქოქოსის რძეში ჩაყარეთ გერკულესი, სელი, ჩია, თაფლი, ვანილი. შეგიძლიათ დააბლენდეროთ ან კოვზით მოურიოთ. 5 წუთით გააჩერეთ და კიდევ ერთხელ მოურიეთ. შედეთ მაცივარში 2-3 საათით. მირთმევის წინ შეგიძლიათ მოაყაროთ მარწყვი (ან ნებისმიერი სხვა ახალი ხილი) და ნუშის ფქვილი (ან ნებისმიერი თხილეული).

უმარტივესია. გააკეთეთ და მომწერეთ როგორ მოგეწონათ.

სიყვარულით,
ანუკი